५१ सल्य आफ्नै भानिजहरुको बिरोधमा (Salya against own nephews)
Ratna Man Dongol
माद्र देशका राजा सल्य माद्रीका शाखै भाइ थिए । नकुल र सहदेब माद्रीबाट भएका कान्छो दुई पाण्डवहरु थिए । उपप्लब्य शहरमा शिबिर बनाई पाण्डवहरुले युद्धको तयारी गर्न लागिरहेका थिए भन्ने कुरा उनले सुने । (#॥उनलाई पाण्डवहरुले किन खबर नगरेको ?)॥. धेरै फौजहरु लिएर पाण्डवहरु सित मिल्न उनि त्यस देश तर्फ गएका थिए । सल्यको सेना यति ठूलो थियो कि जहाँ उस्को फौज बासको लागि शिबिर बनाउँथे त्यहाँ पन्ध्र माइल लामो शिबिर फैलिएको हुन्थ्यो ।
राजा सल्य र उनका फौजहरु आइरहेको खबर दुर्योधनकहाँ पुग्यो । उसले राजा सल्यलाई कुनै तिरकाले आफ्नो पक्षमा मिलाउनु पर्छ भन्ने अठोट गरे । राजा सल्य र उनका फौजलाई सबै किसिमको सुगमता पु-याउन र धुम धाम संग अतिथि सत्कार गर्न अधिकृतलाई आदेश दिए । दुर्योधनका आदेशानुसार बाटोमा राम्ररी सजाईएको आरामी घरहरु ठाउँ ठाउँमा बनाए । राजा सल्य र उनका मानिसहरुलाई अपूर्बको अतिथि स्वागत गरे । खाने पिउने बेपरबाहले पु-याइएको थियो । उनलाई गरिएको सेवा र ध्यान आकर्षण देखाइएकोमा राजा सल्य खुशिले गद गद भए । तर त्यो सबै आफ्ना भानिजहरुले गरेको भन्ठानेका थिए । राजा सल्यको फौज हिँडदा पृथ्वि थर्केको थियो । अतिथि सत्कारले यात्रा सुगम तुल्याइएकोमा खुशि लागेर एकदिन उनले काममा लागिरहेका मानिसहरुलाई बोलाएर भने –“मलाई र मेरा सिपाहीहरुलाई यतिको प्रेम र ध्यान दिएर सत्कार कार्यमा तल्लिन भएका तिमीहरु सबैलाई मैले अवश्य पनि इनाम दिनु पर्छ । मैले यसरी इनाम दिन कुन्ती पुत्रसित सोधेर उनको स्वीकृति लिएर आउ । ॥(#॥ठाउँमा / गन्तब्यमा पुगे पछि दिए पनि त हुन्थ्यो नि !!)॥. नोकर चाकरहरु गएर आफ्ना मालिक दुर्योधनलाई सो कुरा सुनाए ।
राजा सल्य र उनका सिपाहीहरुको हेर चाहमा रहेका दलका साथ साथै हर बखत कसैलाई थाहा नहुने गरी घुमिरहेका दुर्योधनलाई आफै राजा सल्य कहाँ गएर हाजिर हुने र कौरबहरुको सत्कार ग्रहण गरेकोमा राजा सल्य प्रति आफुलाई गौरब लागेको कुरा भन्ने मौका पाए । त्यस बेला सम्म तथ्य कुरा के थियो भन्ने कुनै शंका नभएका राजा सल्यलाई यस कुराले छक्क पा-यो र पाण्डव पक्षका दललाई धुम धाम संग राजकीय सत्कार गरेका दुर्योधनको चतु-याईँमा प्रति उनि प्रभावित पनि भएका थिए । धेरै नै प्रभावित भएर उनले भने –“कस्तो भद्र र दया तिम्रो, मैले कसरी तिमीलाई यसको बदला तिर्न सक्ने ?”
दुर्योधनले जवाफ दिएर भने –“तपाईँ र तपाईँका फौजहरुले मेरो पक्षमा लडनु पर्छ । मैले माग्ने इनाम यहि हो ।” राजा सल्य जिल्ल परे । दुर्योधनले भने –“हामी दुबैको लागि तपाईँ बराबरीमा हुन हुन्छ । पाण्डवहरुले जत्तिकै मैले पनि तपाईँलाई उत्तिकै इज्जत गर्नु पर्छ ।” सल्यले भने –“त्यसै नै होस्” । दुर्योधनको बिशिष्ट स्वागत सत्कारको खुशामदमा परेका सल्यले माया र हेरचाहका हकदार पाण्डवहरुलाई बन्चित गरेर दुर्योधनको पक्षमा युद्ध गर्ने वचन दिए । यस घटनाले स्वागत सत्कार पाएर राजाहरु कस्तो बिपदमा पर्न सक्छ भन्ने कुरालाई देखाउँछ । युधिष्ठिरलाई नभेटी फर्कि जानु उचित हुन्न भन्ने ठानेर सल्यले दुर्योधनलाई भने –“दुर्योधन, मलाई विश्वास गर । मैले तिमीलाई धर्म भाकेर वचन दिई सकेको छु । मैले जे जसो भए पनि युधिष्ठिरलाई भेटेर तिमी सित भएको कुरा उसलाई भन्नै पर्छ ।” “जानुस, युधिष्ठिरलाई भेटेर छिट्टै फर्कनुस् । मलाई दिनुभएको वचन नबिर्सनु होला ।” “तिमी भाग्यमानी होस्, तिमी दरबारमा फर्क । तिमीलाई मैले बेइमानी गर्ने छैन ।” भनि युधिष्ठिर बसेको उपलब्ध शहर तिर राजा सल्य गए ॥(#बेइमानी किन गर्नु परेछ र ! कर्णको हारको कारण भए पुगि हाल्छ नि ! रथि भएर कर्णको मनोबल गिराउनु न छ)॥. पाण्डवहरुले माद्रको राजा सल्यलाई हर्षोल्लाषले स्वागत गरे । ॥(#शायद, बाटोमा दुर्योधनले गरे जस्तै गर्न क्षमता थिएन होला – बाटो दुर्योधनको क्षेत्र प-यो कि ?)॥. आफ्ना मामालाई देखेर नकुल र सहदेब अत्यधिक हर्षित भए । पाण्डवहरुले राजा सल्यलाई आफ्ना दु:ख कष्टहरु सबै सुनाए । ॥(#गुप्तवास सकिए पछि राजा सल्यकोमा किन नगएको होला ?)॥.
पाण्डवहरुले अब हुने युद्धमा राजा सल्यको सहायता पाउने कुराहरु उठाएको बेलामा दुर्योधनलाई वचन दिइ सकेको कुरा पाण्डवहरुलाई सल्यले बताए । सल्यको सहायता लिन भुल भई उनिहरु भन्दा दुर्योधन अघि परेको युधिष्ठिरलाई तुरुन्तै थाहा भयो । सके सम्म नैराश्यतालाई लुकाई युधिष्ठिरले सल्यलाई भने- “तपाईले बीर लडाकुहरु दुर्योधनलाई वचन दिइ सक्नु भएकोले वचन राख्न वाध्य हुनु भएको छ । तपाईँ युद्धमा वासुदेब समान हुनु हुन्छ । कर्णले रणभूमीमा अर्जुनको ज्यान ताक्ने बेला उनले तपाईँ जस्तै सारथी पाउने छन् । के तपाईँ अर्जुनका घातकको कारण भई रहनु भएको छ ? अथवा त्यस बेला उनलाई बचाउन लागि रहनु भएको छ ? मैले तपाईँ सित यो कुरा सीधै सोध्न नहुने भनि थाहा छ, तैपनि मैले सोधेको छु ।” त्यसमा राजा सल्यले जवाफ दिए – “हे मेरा प्यारा, दुर्योधनको चलाखिले म ठगिएको छु । युद्धमा म तिमीहरुको बिरोधि भएको देख्ने छौ । तर अर्जुनलाई कर्णले आक्रमण गर्ने बेला म उनको सारथि भएँ भने उनि युद्धमा हतोत्साह भएर अर्जुन बच्ने तिमीहरुले देख्न पाउने छौ । नडराउ । द्रौपदी र तिमीहरु सबैलाई दिएको दु:ख र अपमानको बदला चाँडै नै पूरा गर्न पाउने छौ । अब उप्रान्त तिमीहरुको भाग्य राम्रो हुने छ । तकदीरमा रेखाँकित भई सकेको कुरा कसैले पनि रोक्न वा बदल्न सक्दैन । मैले भूल गरेको छु । मलाई माफ गर ।” ॥(#भूल भएको छैन, अर्जुनको हात कर्णको मृत्युको कारण हुनु भएको छ)॥.
क्रमश:
५२ बृत्र
रत्नमान डंगोल
No comments:
Post a Comment