१९ सारंग चराहरु
Ratna Man Dongol
पुराणमा लेखिएका
कथाहरुमा चराहरु र जीव जन्तुहरुलाई मान्छेले बोले जस्तै बोल्न सक्ने गरी प्रस्तुत
गरिएका छन् । उनिहरुको मार्फत बोल्न लगाएर कहिले काँही उपदेश दिन्छन् भने
आध्यात्मिक ज्ञान पनि सिकाउँछन् । तर जीवहरुको प्राकृतिक गुणहरु हेर्नलाई
तिनीहरुलाई कथा मार्फत ढाकिएको पातलो पर्दालाई मानवले दक्षता पूर्बक चियाएर हेर्नु
पर्ने हुन्छ । (त्यसको मतलब जीवहरुको स्वभाव र गुणहरु हामीले भित्री क्षमताले
बुझ्नु पर्छ भन्नु हो) । पौराणिक (पुराण कालिन, धेरै पुरानो, कहिलेको थाहा छैन)
साहित्यको एउटा चारित्रिक सुन्दरता के हो भने प्रकृति र कल्पनाको यो आनन्दको संगम
हो । रामायणको एउटा रमाइलो चरणमा बुद्धिमान र ज्ञानी मानिएका ‘हनुमानले’ ‘रावणको’
भित्रको आँगनमा देखिएकी एउटी राम्री तरुनीलाई सीता भनि कल्पना गरेको बेला उन्को
आफ्नै स्वभाविक आनन्दले उनि प्रफुल्ल भएको थियो । चराहरु र पशुहरुले बोल्ने गरेका
कथाहरुले केटाकेटीहरुलाई मनोरन्जन गर्ने कुरा साधारण हो । तर पुराणका कथाहरु पाको
मानिसहरुको लागि लक्षित गरिएका हुन् । ती कथाहरुमा मानिसका बोलि बोल्ने जीवहरुको
बारे पृष्ठ भूमिको रुपमा केहि ब्याख्याहरु गरिएको वा दिइएको हुन्छ । पूर्ब जनममा
मानिस हुँदा बेलाको कुरासंग मिल्ने गरी
त्यस घटनालाई लक्षित गरिएको हुन्छ । उदाहरणको लागि एउटा हरिण पूर्ब जनममा ऋषि थिए,
एउटा फ्याउरो राजा थियो – त्यसो निम्न स्तरको हुनाको कारण सराप परकोले हो इत्यादी
इत्यादी । त्यस्तो अवस्थामा हिरणकै चाल
चलन गरे पनि बोल्न चाहिँ ऋषिले जस्तै बोल्छन् । फ्याउरोमा बुद्धिमान राजाको जस्तै
गुणहरु हुन्थ्यो । तिनीहरु मार्फत धेरै रमाइलो ढंगले ठूला ठूला साँचो कुराहरुलाई
ब्यक्त गर्न कथाहरुलाई बाहकको रुपमा प्रयोग गरिएका हुन्छन् । पाणडवहरुले पाएको
बेला खाणडवप्रस्थ काँडै काँडाले ढाकिएको, समथल जग्गा नभएको, भग्नावशेष शहरको रुपमा
रहेको, जताततै झारपात उम्रेको जंगल,
डरलाग्दो थियो । चराहरु र जनावरहरु बस्ने ठाउँ भएको थियो । चोरहरु र दुष्ट
मानिसहरु बस्ने ठाउँ भएको थियो । कृष्ण र अर्जुनले त्यहाँ आगो लगाउने र नयाँ शहर
बसाउने निर्णय गरे । एउटा सारंग चरी आफ्ना चारवटा चल्लाहरु सहित त्यहाँ बास गरेर
बसेका थिए । भाले चरो चाहिँ स्वास्नी र बाल बच्चाहरुलाई छाडेर अर्को एउटी चरी संग जंगलमा
आनन्दले यताउति घुमिरहेका थिए । आमा चाहिँ चरीले चल्लाहरुको लालन पोषण गरी बसेका
थिए । कृष्ण र अर्जुनको आदेश बमोजिम् त्यस जंगलमा आगो लागाइयो (#॥मूर्खहरुले गर्ने
काम ॥)। आगोले चारै तिर जंगल ध्वस्त पार्दै आएको बेला आमा चरीले दु:ख मानि रुँदै
भने – “सब थोक जलाएर आगो झन झन नजिक हुँदे आएको छ । यस्ले यहाँ आई पुगेर हामीलाई
भष्म पार्ने छ । सबै जीवहरु निराश भै सकेका छन् । ढलेको रुखहरुबाट नरमाइलो काराक
कुरुक आवाज आइरहेको छ । उड्न नसक्ने, प्वाँख नभएका बिचरा बच्चाहरु ! तिमीहरु आगोको
शिकार हुने छौ । अब मैले के गर्ने ? तिम्रो बुबाले हामीलाई छाडि गएको छ ।
तिमीहरुलाई बोकी म उडेर जान सक्दिन ।” यसरी रोइरहेकी आमालाई बच्चाहरुले भने – “आमा
हाम्रो लागि तपाईँले खेद नगर्नुस् ।
हाम्रो तक्दीरमा जे छ त्यही हुन्छ । हामीलाई छोडेर जानु भए हुन्छ । हामी यहीँ
म-यौँ हाम्रो अर्को जनम राम्रो हुने छ । हाम्रो लागि तपाईँले ज्यान फाल्नु भयो भने
हाम्रो परिवार ध्वस्त हुने छ । बाँच्न सकिने ठाउँ तिर जानुस् । अर्को संग बिबाह
गरेर बस्नुस् । सुखी हुनुस् । तपाईँको अर्को बच्चाहरु चाँडै हुनेछन् । हामीहरुलाई
बिर्सने सक्ने हुनु हुनेछ । आमा, हाम्रो कुलको लागी जे राम्रो हुन्छ सोचेर त्यहि
गर्नुहोस् ।” यस प्रकारको स्वच्छ मनले अनुरोध गरे तापनि आमाको उनिहरुलाई छाडेर
जाने बिचार या मन भएन । तिन्ले भनिन् - ‘म यहिँ बसेर म पनि तिमीहरु संगै आगोमा
जलेर ध्वस्त हुनेछु ।” यस कथाको पृऋठभूमिको कुरा यस् प्रकारको छ । “मन्दपाल नाम
भएको इउटा ऋषि पूरा ब्रह्मचर्यको ब्रत लिएर धेरै बर्ष सम्म भक्त्तिले रहेका थिए ।
तर उनि स्वर्गमा जान खोज्दा द्वारपालले – “निसन्तानको लागि यहाँ स्थान छैन” - भनेर
उनलाई फर्काई दिए । अनि उनले सारंग चराको जन्म लिए । जरिता नाम गरेकी सह चरीको
साथमा बसेको थियो । तिनले चार वटा फुल पारिन् । त्यस पछि जरितालाई छाडेर लपिता
भन्ने अर्को सह चरीलाई साथमा लिएर जंगल जंगलमा घुम्ने गरे । बेला पुगे पछि जरिताको
फुलले बच्चा काटे । माथि बताइएका चारवटा बच्चाहरु तिनीहरु नै थिए । तिनीहरु ऋषिका
सन्तानहरु भएकोले त्यसरी खुशि साथ आमालाई प्रोत्साहन गर्न सके । आमा चरीले
बच्चाहरुलाई भने - “यो रुखको संगै मुसोको एउटा दुलो छ । मैले तिमीहरुलाई त्यहाँ
राखि दिन्छु । तिमीहरु त्यहाँ बसेर आगोलाई छल्न सक्ने छौ ।त्यस् प्वालको मुखलाई माटोले छोपी दिन्छु ।
आगोले तिमीहरुलाई छुने छैन । आगो निभे पछि तिमीहरुलाई बाहिर निकालि दिनेछु । तर
बच्चाहरुले मानेका थिएनन् । उनिहरुले भने – “प्वालभित्रका मुसाले हामीहरुलाई खाइ
हाल्छ नि । मुसोहरुलाई खान दिएर बेइज्जत हुनु भन्दा आगोको ज्वालामा परेर मर्नु
धेरे राम्रो ।” माउ चरीले बच्चाहरुको डर छुटाउने प्रयास गरी भने –“मैले मुसो खाने
एउटा चिल देखेको थिएँ । अब प्वाल भित्र तिमीहरुलाई केही डर छैन । “तर बच्चाचराहरुले
भने –“प्वालमा अरु मुसाहरु हुने पक्का छ । चिलले एउटा मुसो मारेर हाम्रो डर जाने
छैन । आगो हामी कहाँ नपुग्दै भागेर आफनो ज्यान बचाइ हाल्नुस् । हामी मुसोको दुलोमा
जान्नौँ । हामीहरुको लागि तपाईँले जोगाउन सक्ने ज्यान किन फाल्नु हुन्छ ? तपाईँको
लागि हामीले गर्न पो के सकेका थियौँ जसको लागि तपाईँ आफ्नो ज्यान गुमाउनु हुन्छ ?
यस संसारमा आए देखि हामीले तपाईँलाई दु:ख मात्र दिएका छौँ । यदि हामी यस आगोमा
भष्म भयौँ बने स्वर्ग प्राप्त गर्ने छौँ । यदि भगवानले हामीलाई बचाइ दिनु भयो भने
तपाई यहाँ फर्केर आएर हाम्रो हेर बिचार गर्न सक्नु नै हुनु हुनेछ । ढीला नगर्नुस्,
आगो रुख नजिकै पुगि सक्यो उडेर जानुस ।” भनि बच्चा चराहरुले अनुरोध गरे पछि आमा
चरा उडेर गई । आगोको ज्वालाले रुख घेरी सक्यो, तर बच्चा चराहरु केही पनि बिचलित
नभै कन बसि राखे । । आमालाई बचाउन सकेकोमा
आनन्दले आपसमा कुरा गरी समय बिताइ रहे । सब भन्दा जेठो चाहिँ बच्चा चराले भने -“बुद्धिमान
मानिसले अघिबाटै विपदको सुईँको पाएको हुन्छ र बिपद परेको बेला नहडबडाई मनलाई संयम
गर्छ । सब भन्दा कान्छो चराले भने तिमीहरु ठूलो भै ज्ञानि भै सकेका छौ । आत्म ज्ञानी मात्र तिमीहरु जस्तै
निडर हुन्छ । आगो नजिक आई पुगेको बेला तिनीहरु सबैले हँसिलो मुख गरी अग्नि देवतालाई हँसिलो मुख गरी प्रणाम गरेर प्रार्थना
गरे – “ओ अग्नि देबता ! हामीले जिद्धि गरेर हाम्रो आमालाई ज्यान जोगाएर पठाउन सफल भयौँ
। हामीले हाम्रो बाबुलाई देखेका छैनौँ । हामी जन्मे पछि उनि बेपत्ता भएका थिए ।
परमेश्वर धुवाँ तपाईको झण्डा हो । निरपंखि अहाय भएका हामी जस्ताको मुख्य आधार
तपाईँ नै हुनु हुन्छ । हामीहरुको हेर चाह गर्ने कोहि पनि छैन । हामी तपाईँ कै
सरणमा छौँ ।” यस्तै गरी ब्रह्मचारिहरुले बेद पाठ गरे जस्तै गरी तिनीहरुले अग्नि
देवताको प्रर्थना गरे । जम्मै जंगल डढाएका अग्निले त्यस बच्चो चरोहरुलाई केहि हानी
नगरि दया मायाले छोडि दिए । आगो निभे पछि आमा चरी फर्केर आइ । । बच्चा चराहरु
बाँचेर खुशिले कराई रहेको देखेर ताजुब
मानि हेरी रहे । तनीहरुलाई अंकमाल गरी धेरै खुशि भए । आगो दन्किरहेको बेला आफ्ना साना
बच्चाहरुको बचावटको निम्ति चिन्तित् भएका बाबु चरोले आफ्नो प्रेमी चरी लपितालाई
भने – आफ्ना दु:ख पोखे । अधैर्य भएर तिनले उनलाई झाँटिन । उनको बारंबारको बिलौना
सुनेर तिनले भनिन् - “यस्तै हो, मैले
तिम्रो मन थाहा पाइसकेकी छु । मसंग प्रसस्त भोग गरी सकेर जरिता कहाँ फर्केर जाने
तिम्रो इच्छा भए छ । किन झुठो बोलेर अग्नि र बच्चाहरुको कुरा ल्याउँछौ ? तिमी
आफैले भनेका थियौ कि अग्नि देवताले
तिमीलाई वरदान दिएको हुनाले जरिताका बच्चाहरु आगोमा परेर कादापि मर्ने छैन । यदि
तिमीले मन पराएका छौ भने साँचो कुर गरेर
तिम्रो प्यारी जरिता कहाँ जान सक्छौ । म बेइमानि पुरुषहरुले छाडेका मध्येका
एउटी भएर जंगलमा भौँतारेर बस्ने छु । तिमी जान सक्छौ” । त्यस भाले चरो मन्दपालले
भने –“तिम्रो धारणा असत्य छ । मैले सन्तान पाउनको लागि चराको जन्म लिएको थिएँ ।
स्वभवत: मलाई तिनीहरुको चिन्ता लागेको छ । अब गएर तिनीहरुलाई हेरी फेरि तिमी कहाँ
नै फर्केर आउने छु ।” आफ्नो नयाँ स्वास्नीलाई चित्त बुझाएर उनि जरिता बसेको रुखमा
गए । जरिताले आफ्नो पोई तिर हेर्दै हेरेनन् । आफ्नो बच्चाहरु बचेको पाएर खुशिले
मग्न भएर मात्र बसिन् । तै पनि त्यस पछि तिनले आफ्नो लोग्ने तिर फर्केर दु:ख मानि
किन आएको भनि सोधे । भाले चरोले स्नेह गरी सोधे –“तिम्रो बच्चाहरु सबैलाई आनन्दै छ
? तिनीहरुमा सबै भन्दा जेठो चाहिँ कुन हो ? । अनि जरिताले झपारेर कुरा काटी भनिन् -
“तिमीले खूब हेर चाह गरेका छौ । जस्को लागि तिमीले हामीलाई त्यागेका थियौ उनि कहाँ
नै फर्केर जाउ । उनि सित नै आनन्द गरेर बस ।” मन्दपालले दार्शनिक बिचार गरी भने –”आईमाईले आमा भए पछि आफ्ना लोग्नेलाई न हेर्ने रहेछ ।
संसारको चलन यस्तै नै रहेछ । निरपराध बशिष्ठलाई पनि अरुन्धतिले यसै गरी छोडि दिएको
थियो ।”
२० जरासन्ध
No comments:
Post a Comment